Pas më shumë se 5 orësh debate në seancën e Kuvendit është votuar shtyrja e afateve të vettingut deri më 31 dhjetor 2024.
Nga votimi i fshehtë që u zhvillua në Kuvend ditën e sotme dolën vetëm 4 vota abstenim, ndërsa vota kundër nuk ka pasur! Procesi i votimit u braktis nga ish-kryeministri Sali Berisha dhe mbështetësit e tij, ndërsa as Edi Rama, personi që më shumë e kërkoi zgjatjen e afateve nuk ishte i pranishëm ne salle.
Deri më tani mësohet se vetëm deputeti i LSI-së, Agron Çelaj votoi “pro”.
Socialistët u ndihmuan nga votat e deputetëve të Partisë Demokratike të cilët kushtëzuan kartonin jeshil me ngritjen e 2 komisioneve të Posaçme Parlamentare, atë për Reformën Zgjedhore dhe atë për Reformën Administrativo-Territoriale, për të cilat PD ka bërë edhe ndryshime kushtetuese.
Komisionet e reja u votuan respektivisht me 120 dhe 119 vota pro. Edhe aleatët e vegjël të djathtë respektuan vendimin e partisë që udhëheq opozitën, duke bashkuar votat pro.